2024 жылғы 4 сәуір  күні Н.Байғанин атындағы облыстық балалар кітапханасы ақын, Қазақстан Республикасы Жазушылар одағының Ақтөбе облыстық филиалы директоры Бауыржан Құрманқұловтың 70 жасқа толу құрметіне арналған «Тағдырыма ризамын» кездесу кешін өткізді.

Кеш барысында  шара қонағы ақын, Халықаралық «Алаш» әдеби сыйлығының лауреаты, Қазақстан Жазушылар одағының мүшесі, «Үш таған» қоғамдық-саяси, әлеуметтік-рухани журналының бас редакторы, Ертай Ахатұлы Ашықбаев ақын досы туралы ыстық естеліктерімен бөлісіп, шығармашылығының ерекше қырларына тоқталды.

Сырлы сұқбатқа толы болған әсерлі кеште жастар ақын өмірі мен шығармашылығымен, адами болмысы мен рухани әлемімен жақын таныса алды. «Желкен» әдеби клубының мүшелері «Ақынның бақыты – өлең» атты әдеби монтаж ұсынып, рухани сусындатты.

Жырсүйер қауыммен кездескен ақын өзінің балалық шағы, өскен ортасы, үзеңгілес ақын достары туралы қызықты әңгімелерімен бөлісіп, оқырмандардың поэзияға деген қызығушылықтарына ризашылығын білдірді.

Кітапхана ұжымы ақын шығармашылығына ерекше табыс тілеп, өзекжарды тілектерін білдіріп, құрмет көрсетті.

Оқырмандар назарына «Сырлы сезім ақыны»  кітап көрмесі ұсынылды.

      Қазақстан халқының бірлігі күніне орай Н.Байғанин атындағы Облыстық балалар кітапханасы 2024 жылғы 29 сәуір күні  № 11 Жалпы білім беретін орта мектеп –гимназиясының 5 класс оқушыларымен «Береке –бірлікте, ырыс-ынтымақта» атты мерекелік шара ұйымдастырды. Шараның мақсаты: достық пен ынтымақтастықты, патриоттық сезімді нығайту, балаларды кітап оқуға баулу. Жас оқырмандарымыз бірлігі жарасып, Қазақстанда тұратын түрлі этностарды таныстырып, өлең шумақтарымен әсірелетіп,  «Менің Қазақстаным», «Кім жылдам?» «Мақал құрастыр» атты танымдық ойындарға қатысты. Оқушылар «Кел, дос болайық!» атты кітіп көрмесімен таныстырылды. 

         2024 жылғы 24 сәуір күні Н.Байғанин атындағы  облыстық балалар кітапханасы М.Құсайынов атындағы дарынды балаларға арналған мамандандырылған мектеп-лицейінде көрнекті ғалым, академик Қаныш Сәтбаевтың туғанына 125 жыл толуына орай «Халқым менен де биік» портрет кешін өткізді.

         Шара барысында қатысушылар академиктің еңбек жолы мен зерттеулері тақырыбындағы мәтіндермен танысып, ғалым портретін сипаттап жазды. «Жылдам сұрақ» ойыны арқылы ғалымның ғылыми еңбектеріне байланысты  «дұрыс» және «қате» деректерін тауып, Қазақстанның кескін картасынан геолог ашқан кен орындарын көрсетті.

Шара соңында жазушы Медеу Сәрсекенің «Қазақтың Қанышы» деректі ғұмырнама роман желісімен түсірілген «Қаныш.Қазына.» телехикаясынан үзінді көрсетіліп, талқыланды.

          Ғалым Қ.И.Сәтбаевтың ғылыми мұраларын насихаттау мақсатында «Ғылым қанатындағы ғұмыр» кітап көрмесі ұйымдастырылды.

23 сәуір - Дүниежүзілік кітап және авторлық құқықты қорғау күні.

Кітап мерекесіне орай республикалық «Кітап шоу - 2024» фестивальі аясында  «Оқитын балаларға қосыл!» кітапсүйгіштер раллиі өткізілді.

Балалардың сүйікті «Көліктер»  мултьфильмінің желісі арқылы ұйымдастырылған білім додасына Ғ.Ақтаев атындағы №6 мектеп-гимназияның оқушылары қатысты.

Шараның кіріспе бөлімінде оқырмандар «Иә, Жоқ» сергіту сұрақтарына жауап берді. Сайыс жолына қосылу үшін QUIZ ойыны арқылы

6 үздік анықталып, ойынға тікелей жолдама алды. Кітапсүйгіштер додасының келесі бөлімінде арнайы дайындалған «Тұлғаны таны», «Ол кім? Бұл не?» «Бейнесұрақ», «Ертегілер елінде» атты әр бөлімде 4-5 сұрақтан, барлығы 18 сұрақ берілді. Сайыс қатысушылары берілген сұрақтарға нақты, әрі дәл жауап беріп ойын өте тартысты өтті.

Нәтижесінде ралли үздіктері –  Сембай Мирас, Базарбаев Ерназар, Мамун Нұрайым.

2024 жылдың 19 сәуірінде  Н.Байғанин атындағы облыстық балалар кітапханасы «Жасыл ел» экологиялық клубы  экологиялық тәрбие беру мақсатында  Қазанғап атындағы балалар өнер мектебінің Журналистика класс оқушыларымен «Гүл – көңілдің ажары» тақырыбында флористика сағатын  өткізді.

Шараның мақсаты: балаларға тақырыптың мазмұнын толық ашуға, гүлдер туралы білімдерін жан – жақты толықтыру.

Шара барысында балаларға гүл жайлы ақпараттар беріліп, «Кім көп сөз құрайды?», «Ұйқасын тап»,“Мақал-сөздің мәйегі” мақал- мәтелдің жалғасын тауып,   өлең құрастырып, түрлі түсті қағаздардан гүл жасап , қызықты ойындар ойнады.

Оқырмандарға «Гүл – әдеміліктің шыңы» атты кітап көрмесі таныстырылды.

Н. Байғанин атындағы облыстық балалар кітапханасында «Абайлаңыз, балалар!» атты квиз өткізілді. Оған Ғ. Ақтаев атындағы мектеп-гимназияның  4 сынып оқушылары белсенді қатысты. Ойын барысында балалар жол тәртібін біліп қана қоймай, жаяу жүргіншілердің жолдан өту кезіндегі қауіпсіздігі туралы QUIZ сұрақтарына жауап берді. Ойын өте қызықты, әрі тартысты болып, сұрақтарға нақты жауап берді.  Квиз қорытындысында оқырмандар «Тоқта», «Дайындал», «Жол ашық» атты сөздермен қорытынды сөйлем құрастырып, өз ойларын ортаға салды. Шара соңында «Бағдаршам сенімді серігің» кітап көрмесі ұсынылды .